Культурна-асьветніцкаму аб’яднаньню са Слоніма «Залаты леў» адмовілі ў рэгістрацыі па абсурдных прычынах

Галоўнае ўпраўленьне юстыцыі Гарадзенскага аблвыканкама вырашыла адмовіць у рэгістрацыі слонімскаму аб’яднаньню “Залаты леў”. Асноўная падстава адмовы — неадпаведнасьць заканадаўству асобных палажэньняў статута аб’яднаньня, у тым ліку датычных парадку ўнясеньня зьменаў у статут і парадку абскарджаньня рашэньняў органаў аб’яднаньня. Аднак самая абсурдная прычына адмовы ў рэгістрацыі, пазначаная чыноўнікамі ўпраўленьня юстыцыі, — гэта сьцьвярджэньне, што ў “тэксьце статута арганізацыі адсутнічае расшыфроўка назвы “Залаты леў”.

Генэральная пракуратура адказала Дзядам Марозам

У выпадку ўстанаўленьня дадзеных аб сыстэмным удзеле ў незарэгістраванай арганізацыі, група Дзядоў Марозаў будзе прыцягнутая да адказнасьці. Пра гэта паведамляецца ў лісьце Генэральнай пракуратуры за подпісам начальніка аддзела па наглядзе за захаваньнем правоў і свабодаў грамадзянаў П.У. Радыёнава. 

Нагадаем, у кастрычніку група Дзядоў Марозаў добраахвотна здалася ў генэральную пракуратуру. Удзельнікі хэпенінгу аднесьлі заяву, у якой ня толькі прызналіся ў дзейнасьці незарэгістраванай арганізацыі цягам шматгадовага пэрыяду, але і папрасілі даць прававую ацэнку іх «дзедамарознай справе». Маўляў, штогод Дзяды Марозы «арганізоўваюць сьвяткаваньні Калядаў і Новага году ў розных населеных пунктах Беларусі, распаўсюджваюць калядныя і навагоднія падарункі (у тым ліку сярод непаўнагадовых), выступаюць на сходах, у сродках масавай інфармацыі зь віншаваньнямі й найлепшымі пажаданьнямі”. 

Асамблея няўрадавых дэмакратычных аб’яднаньняў

Група дэпутатаў нацыянальнага парлямэнту Швэцыі, якая на дадзены

момант старшынюе ў Эўразьвязе, далучылася да кампаніі “Стоп 193.1!”.

Швэдзкія парлямэнтары накіравалі адпаведныя заявы ў Менск напярэдадні

прыняцьця рашэньня па санкцыях супраць шэрагу службовых беларускіх

асобаў.

6 кастрычніка адбылося чарговае паседжаньне РГ Асамблеі НДА

У Асамблею былі прынятыя 12 новых арганізацыяў. На дадзены момант колькасьць сябраў Асамблеі НДА складае 276 арганізацыяў ды ініцыятываў.

 Падведзеныя прамежкавыя вынікі кампаніі “Стоп 193.1!”, сярод якіх: тэма стала адной зь вядучых, яна гучыць у шэрагу з такім патрабаваньнем да беларускіх уладаў з боку міжнароднай супольнасьці як адмена сьмяротнага пакараньня; улады пачалі казаць пра магчымую адмену артыкула. Але ня гледзячы на абяцаньні чыноўнікаў, кампанію вырашана працягваць да рэальнай адмены любой адказнасьці, а ня толькі крымінальнай, за дзейнасьць незарэгістраваных арганізацыяў.

Асамблея: прагрэсу ў сфэры свабоды аб’яднаньняў і правоў чалавека няма

Напярэдадні прыняцьця рашэньня адносна візавых санкцыяў Эўразьвязу ў дачыненьні да афіцыйнага Менску Асамблея НДА Беларусі заявіла пра адсутнасьць у краіне прагрэсу ў сфэры свабоды аб’яднаньняў і правоў чалавека. 

9 кастрычніка ў Варшаве заканчваецца 14 нарада АБСЭ па разглядзе выкананьня абавязальніцтваў у вобласьці чалавечага вымярэньня. У гэты ж прыкладна час заканчваецца тэставы пэрыяд, паводле якога будзе прынятае рашэньне адносна аднаўленьня ці прыпыненьня санкцыяў. Асамблея НДА у перадапошні дзень нарады АБСЭ паўдзельнічала ў абмеркаваньні ролі грамадзянскай супольнасьці ў дыялёгу паміж Беларусяй і ЭЗ. У прыватнасьці, Асамблея сумесна зь іншымі беларускімі арганізацыямі прэзэнтавала “Справаздачу аб разьвіцьці ў Беларусі”. Маніторынг рыхтавала каля 50 беларускіх і замежных аб’яднаньняў. 

Брыфінг «Прававы стан няўрадавых арганізацыяў у 2009 годзе»

Асамблея НДА азнаёміла грамадзкасьць і прадстаўнікоў дыпляматычнага корпусу краінаў ЭЗ з вынікамі свайго маніторынга “Прававы стан няўрадавых арганізацыяў у 2009 годзе”. Паводле выступоўцаў з Асамблеі НДА, на дадзены момант улада адышла ад практыкі кропкавых пазытыўных зьменаў у сфэры свабоды асацыяцыяў. Цяпер лібэралізацыя адбываецца выключна на ўзроўні рыторыкі.

1 113 114 115 116 117 118