КОНКУРС ГРАНТАЎ АД АМБАСАДЫ НІДЭРЛЯНДАЎ

З мэтай падтрымкі разьвіцьця грамадзянскай супольнаьсці і дэмакратыі ў Беларусі Амбасада Каралеўства Нідэрляндаў запрашае да падачы заявак у межах праграмаў: Фонду правоў чалавека і Фонду Амбасады Нідэрляндаў па рэгіянальным партнэрстве (MATRA).

У межах Фонду MATRA будуць падтрыманыя ініцыятывы, накіраваныя на: Прасоўваньне і ўзмацненьне грамадзкага ўдзелу; Узмацненьне грамадзянскай актывізму; Уплыў няўрадавых арганізацыяў на працэсы трансфармацыі; Умацаваньне ролі інавацыйнай адукацыі; Структурная эканамічная мадэрнізацыя; Эфэктыўнае кіраваньне; Зьмяненьне адносінаў грамадзтва да правоў чалавека; Культурныя мерапрыемствы ў межах адной або некалькіх вышэйзгаданых тэмаў.

У межах гэтых тэмаў прыярытэт аддаецца праектам, якія факусуюцца на моладзі і выкарыстоўваюць лепшыя практыкі Нідэрляндаў, у тым ліку, прыцягваюць галяндзкіх экспэртаў і экспэртак і / або супрацоўнічаюць з галяндзкімі НДА.

У межах Фонду правоў чалавека могуць быць заяўленыя праекты па наступных кірунках: Роўныя правы жанчынаў; Роўныя правы ЛГБТ; Абарона правоў чалавека; Свабода Інтэрнэта, свабода друку, свабода рэлігіі, свабода слова; Вяршэнства закону, уключаючы падсправаздачнасьць і празрыстасьць.

Апошні тэрмін падачы заявак 2 сакавіка 2018 г., 23:59. Максымальны памер гранту: 25 000 эўра.

Падрабязную інфармацыю і ўзор праектнай заяўкі глядзіце па спасылцы. За дадатковай інфармацыяй зьвяртайцеся: тэл.: +48 22 559 12 50/51,  WAR-BELARUS@minbuza.nl, Telegram: @Wojtek_B, Signal/Whatsapp: +48 600 433 414.

10-Ы КОНКУРС САЦЫЯЛЬНЫХ ПРАЕКТАЎ

10-Ы КОНКУРС САЦЫЯЛЬНЫХ ПРАЕКТАЎ

Да 17.00 28 лютага 2018 году прымаюцца заяўкі на конкурс, які ладзіць МГА “Ўзаемаразуменьне” сумесна з Фондам EVZ.

Мэта конкурсу: падтрымка праектаў у інтарэсах былых вязьняў канцлягераў і гета, людзей, якія прыцягваліся да прымусовай працы, былых ваеннапалонных і іншых пацярпелых ад нацыянал-сацыялістычнага перасьледу.

Праекты могуць спрыяць паляпшэньню якасьці жыцьця пажылых людзей, падтрыманьню іх здароўя, разнастайнасьці вольнага часу, павышэньню даступнасьці мэдыцынскіх і сацыяльных паслугаў, падтрымцы маламабільных і немабільных прадстаўнікоў мэтавай групы.

Да ўдзелу ў конкурсе запрашаюцца некамэрцыйныя арганізацыі (у тым ліку дзяржаўныя, муніцыпальныя, грамадзкія, рэлігійныя), якія зарэгістраваныя і ажыцьцяўляюць сваю дзейнасьць у Беларусі.

Падрабязную інфармацыю глядзіце па спасылцы.

КОНКУРС САЦЫЯЛЬНЫХ ПРАЕКТАЎ SOCIAL WEEKEND

КОНКУРС САЦЫЯЛЬНЫХ ПРАЕКТАЎ SOCIAL WEEKEND

Да 28 лютага 2018 году адбываецца прыём заявак на рэспубліканскі конкурс сацыяльных праектаў Social Weekend. У далейшым аўтары (каманды) праектаў, якія прайшлі народнае галасаваньне і дадатковы адбор экспэртаў, пройдуць усебаковае навучаньне, сфармуюць каманду і атрымаюць экспэртную падтрымку.

Удзельнічаць у конкурсе можа любы жадаючы, хто гарыць сацыяльнай ідэяй. Гэта можа быць як прыватная асоба або ініцыятыўная група, так і дзеючая арганізацыя.

Апошні тэрмін прыёму заявак на ўдзел: 28 лютага 2018 г.

Падрабязную інфармацыю пра конкурс глядзіце па спасылцы.

КОНКУРС ЗАЯВАК ДЛЯ САЦЫЯЛЬНЫХ АРГАНІЗАЦЫЯЎ І ПРАЕКТАЎ

ПКОНКУРС ЗАЯВАК ДЛЯ САЦЫЯЛЬНЫХ АРГАНІЗАЦЫЯЎ І ПРАЕКТАЎ

Плятформа “ИМЕНА” зьбірае заяўкі на фінансаваньне праектаў і грамадзкіх арганізацыяў у 2018 годзе.

“Імёны” запрашаюць да супрацоўніцтва грамадзкія арганізацыі і фонды, якія вырашаюць сацыяльныя праблемы і афіцыйна зарэгістраваныя ў Беларусі.

У 2018 шукаюцца праекты, якія працуюць у наступных сфэрах:
— Адукацыя ўсіх групаў насельніцтва;
— Дыягностыка анказахворваньняў на раньніх стадыях і прафіляктыка;
— Дапамога маладым дарослым і дарослым;
— Прафіляктыка ВІЧ.
— Дапамога сталым людзям (у дамах састарэлых, псыха-неўралягічных інтэрнатах і самотным пажылым людзям).
— Дапамога зьняволеным і іх сем’ям;
— Сацыялізацыя хворых на сухоты;
— Інсульты у дарослых і дзяцей: прафіляктыка і аднаўленьне;
— Сацыялізацыя дзяцей, якія засталіся без апекі бацькоў;
— Юрыдычная дапамога (напрыклад, выпускнікам інтэрнатаў і дзіцячых дамоў, сем’ям ваеннаслужачых);
— Псыхалягічная дапамога дзецям у розных напрамках (напрыклад, дзіцячая гарачая лінія).
— Дапамога непаўнагадовым, якія ўчынілі злачынства.

Заяўку на фінансаваньне можна запоўніць па спасылцы.

Падрабязную інфармацыю пра конкурс глядзіце па спасылцы.

ДРУГІ КОНКУРС ПРАЕКТНЫХ ПРАПАНОВАЎ

ДРУГІ КОНКУРС ПРАЕКТНЫХ ПРАПАНОВАЎ
Аб’яўлены Другі конкурс праектных прапановаў Праграмы трансгранічнага супрацоўніцтва Латвія-Літва-Беларусь на 2014-2020 гады ў межах Эўрапейскага інструмэнту суседзтва.

Стратэгічная мэта Праграмы — умацаваньне адносінаў, павелічэньне магчымасьцяў і абмен досьведам паміж людзьмі і арганізацыямі з Латвіі, Літвы і Беларусі шляхам ажыцьцяўленьня сумесных дзеяньняў, накіраваных на павышэньне агульнай якасьці жыцьця ў прыгранічных рэгіёнах.

Другі конкурс адкрыты для праектных прапановаў, якія адпавядаюць наступным тэматычным задачам і прыярытэтам:
1. Садзейнічаньне сацыяльнай інтэграцыі і барацьбе зь беднасьцю:
— Пашырэньне доступу групаў рызыкі да сацыяльных і іншых паслугаў;
— Стымуляваньне працаўладкаваньня праз прадпрымальніцтва і інавацыі.

2. Падтрымка рацыянальнага кіраваньня на мясцовым і рэгіянальным узроўні:
— Павышэньне здольнасьці мясцовых і рэгіянальных органаў улады вырашаць агульныя праблемы;
— Умацаваньне грамадзтва.

3. Падтрымка мясцовай культуры і захаваньне гістарычнай спадчыны:
— Падтрымка і захаваньне культурна-гістарычнай спадчыны і традыцыйных рамёстваў.

Падрабязную інфармацыю пра Другі конкурс глядзіце па спасылцы.

COMMUNITY CONNECTIONS 2018

COMMUNITY CONNECTIONS 2018

Агенцтва ЗША па міжнародным разьвіцьці (USAID) абвяшчае конкурс на ўдзел у праграме прафэсійна-культурнага абмену Community Connections — 2018.

Адабраныя кандыдаты і кандыдаткі атрымаюць магчымасьць прайсьці трохтыднёвую прафэсійную стажыроўку ў ЗША і пазнаёміцца з традыцыямі і культурай краіны. Удзельнікі і ўдзельніцы будуць пражываць у сем’ях. Веданьне ангельскай мовы для ўдзелу ў праграме не патрабуецца.

Тэмы праграмаў Community Connections 2018:

— Праграмы навучаньня ў сфэры прадпрымальніцтва;

— Падрыхтоўка настаўніка /цы да працы ва ўмовах інклюзіўнай адукацыі;

— Жаночае лідэрства;

— Грамадзкія ініцыятывы ў мясцовых супольнасьцях;

— Разьвіцьцё сацыяльнага прадпрымальніцтва;

— Інфармацыйна-камунікацыйныя стратэгіі для НДА;

— Пашырэньне магчымасьцяў для людзей з інваліднасьцю і іншых уразьлівых групаў;

— Вывучэньне прыродазнаўчых навук, тэхналёгіяў, інжынэрнай справы і матэматыкі ў школе (STEM-адукацыя для школьнікаў).

Дадатковую інфармацыю пра праграму стажыровак і тэрміны падачы заявак глядзіце па спасылцы.

КОНКУРС ПРАЕКТАЎ МЯСЦОВАГА РАЗЬВІЦЬЦЯ

seamless-mosaic-final-02

Фонд разьвіцьця мясцовых супольнасьцяў (CMDF) аднаўляе прыём заявак на фінансаваньне праектаў мясцовага разьвіцьця.

Місіяй Фонду зьяўляецца падтрымка ініцыятываў грамадзянаў, скіраваных на паляпшэньне якасьці жыцьця на мясцовым узроўні ў Беларусі. Фонд вітае разнастайныя віды грамадзянскай актыўнасьці, якая дае на выніку самаарганізацыю, супольныя дзеяньні і станоўчыя зьмены ў супольнасьцях.

Да ўдзелу запрашаюцца: зарэгістраваныя і незарэгістраваныя некамэрцыйныя няўрадавыя арганізацыі, нефармальныя ініцыятывы і грамадзяне.

Працягласьць праекту — да 12 месяцаў.

Памер фінансаваньня залежыць ад спэцыфікі, працягласьці і аб’ёму дзейнасьці праекту. Максымальны памер фінансаваньня аднаго праекту ня можа перавышаць 10,000 даляраў. Сярэдні памер фінансаваньня складае каля 4,000 даляраў.

Заяўкі прымаюцца на сталай аснове. Рашэньне пра падтрымку ці адхіленьне праектных прапановаў прымаюцца Радай Фонду, як правіла, адзін раз у квартал.

Падрабязную інфармацыю пра дзейнасьць Фонду можна паглядзець па спасылцы. З дадатковымі пытаньнямі зьвяртайцеся праз эл. адрас CMDF@pactworld.org ці праз скайп CMDFund.

Фонд разьвіцьця мясцовых супольнасьцяў (CMDF) заснаваны ў 2009 годзе з мэтай разьвіцьця мясцовых грамадзянскіх ініцыятываў у Беларусі. Дзейнасьць CMDF зьдзяйсьняецца некамэрцыйнай арганізацыяй Pact, Inc пры падтрымцы Агенцтва ЗША па міжнародным разьвіцьці (USAID).